Ministrja e Arsimit, Arbërie Nagavci ka uruar të gjithë shqiptarët për festën e 28 Nëntorit.

Nagavci tha se kjo është dita më e rëndësishme e kombit shqiptar.

Tutje ajo tha se në këtë ditë të Flamurit e të Pavarësisë, kujtojmë sakrificën e shumë brezave të kombit tonë.

Sipas saj 28 Nëntori ka qenë dhe mbetet simbol i bashkimit, unitetit, dhe qëndresës së popullit shqiptar.

Postimi i plotë:

Urime 28 Nëntori, Dita e Flamurit!

Sot është dita më e rëndësishme në historinë e kombit shqiptar e cila na mbush me gëzim e krenari.

Në këtë ditë të Flamurit e të Pavarësisë, kujtojmë sakrificën e shumë brezave të kombit tonë që dhanë jetën për të forcuar themelet shqiptare, në luftën për liri e pavarësi.

28 nëntori ka qenë dhe mbetet simbol i bashkimit, unitetit, dhe qëndresës së popullit shqiptar andaj, të gjithë sot ndjehemi një.

Urimet më të përzemërta të gjithë shqiptarëve kudo që janë!/Arbresh.info/